ئەنجومەنی پارێزگای سلێمانی

گرفتی ئاوی چەمچەماڵ و بازیان تاووتوێ کرا

1/9/2022 112 جار خوێندراوەتەوە

رۆژی پێنجشەممە ٢٠٢٢/٧/٢١ ، بە سەرپەرشتی بەڕێز ئازاد محەمەد ئەمین سەرۆکی ئەنجومەنی پارێزگای سلێمانی و ئامادەبونی لیژنەی شارەوانی و نوێنەرانی چەمچەماڵ و بازیان لە ئەنجومەنی پارێزگا و قایمقامی چەمچەماڵ، قایمقامی بازیان بە وەکالەت، بەڕێوەبەری ناحیەی شۆڕش و بەڕێوەبەری ئاوی دەروبەری سلێمانی، بەرێوەبەر و لێپرسراوەکانی ئاوی سنوری قەزای چەمچەماڵ و بازیان، کۆبونەوەیەک لەبارەی چارەسەری کێشەی کەمی ئاو لە چەمچەماڵ و بازیان و دەوروبەری کرا.
گفتوگۆ لەبارەی بەشەئاوی ناوچەکان و گرفتە تەکنیکیەکان و زیادەڕەوییەکان کرا و بەدواداچون کرا بۆ نوسراوەکانی تایبەت بە ئاو کە ئەنجومەنی وەزیران ئاراستەی وەزارەتی شارەوانی و گەشتوگوزاری کردووە بۆ رێکخستنەوەی شێوازی دابەشکردنی ئاو لە چەمچەماڵ و بازیان.
ھەروەھا کۆمەڵێک پێشنیاز خرانەروو کە لە داھاتوودا بەرێوەبەرایەتی ئاوی دەوروبەری سلێمانی و لایەنە پەیوەندیدارەکان جێبەجێیان دەکات.
پاشان بڕیاردرا رێکارەکانی چارەسەری گرفتی ئاوی چەمچەماڵ خێراتر بکرێن.

 

43287192022_a.jpg

48287192022_b.jpg

56287192022_c.jpg

Copyright © all rights reserved .Developed by Avesta Group and powered by Microsoft Azure