پەیامی ئەنجومەنی پارێزگای سلێمانی لە یادی راپەڕینە مەزنەکەی گەلەکەمان

12/3/2023

121 جار خوێندراوەتەوە

بە ناوی ئەنجومەنی پارێزگای سلێمانییەوە پیرۆزبایی یادی ٣٢ ساڵەی راپەڕینە مەزنەکەی گەلەکەمان لە کۆمەڵانی خەڵکی کوردستان  گشتی دەکەین .

٣٢ ساڵ لەمەوبەر گەلەکەمان لە دەروازەی راپەڕینەوە دژی دیکتاتۆریەت و زوڵم و ستەمی رژێمی روخاوی بەعس راپەڕی و بە خوێنی سەدان پێشمەرگە و خەڵکی راپەڕیوی ناوچە جیاوازەکان ئازادی بەدەستھێنا ، کە دواتر حوکمڕانی خۆبەخۆ و پەرلەمان و دەمودەزگا دیموکراسییەکانی لێبەرھەمھات.

ئێستاش سەرەڕای تێبینییەکانمان لەسەر کۆی کایە سیاسی و ئابوری و ئیدارییەکان، بە گرنگی دەزانین ھەموو لایەک بەتایبەت حکومەتی ھەرێمی کوردستان بە گیانی نیشتمانپەروەرییەوە ھەوڵی پاراستنی دەستکەوتەکانی راپەڕین بدەین و ببینە خزمەتکاری خەڵک و پێشکەشکردنی خزمەتگوزاری گشتی بۆ ھاووڵاتیان و لەھەمانکاتدا پارێزەی قەوارەی ھەرێمی کوردستان بین.

لەم یادەدا سەری رێزو وەفا بۆ شەھیدانی رێگای رزگاری کوردستان و شەھیدانی راپەڕین و کەسوکاریان نەوی دەکەین، بەڵێنی وەفاداری بۆ خزمەتکردنی کۆمەڵانی خەڵکی کوردستان دووپاتدەکەینەوە.

ئازاد محەمەد ئەمین
سەرۆکی ئەنجومەنی پارێزگای سلێمانی
٢٠٢٣/٣/٤