ئەنجومەنی پارێزگای سلێمانی

بەدواداچوون بۆ چارەسەرى گرفتەکانى نەخۆشخانەى هیوا کرا

7/7/2021 163 جار خوێندراوەتەوە

بەڕێز ئازاد محەمەد ئەمین سەرۆکى ئەنجومەنى پارێزگاى سلێمانى بەیاوەرى بەڕێزان سەرۆک و ژمارەیەک لەئەندامانى لیژنەى تەندروستى ئەنجومەن ، سەردانى نەخۆشخانەى هیوای کرد، بەمەبەستى بەدواداچوون بۆ زانیارییەکانی کۆتا چارەسەری گرفتە دارایی و ئیدارییەکانی نەخۆشخانەی هیوا.
دوای گفتوگۆیەکی کراوە لەگەڵ بەرێز (د.یاد نەقشبەندی) بەرێوەبەری نەخۆشخانەى هیوا ، وتى: بڕیاری پێویست دراوە بۆ چارەسەر لەلایەن حکومەتی هەرێمەوە تەنها رۆتینە ئیدارییەکانی ماوە، هاوکات بەڕێز لاهور شێخ جەنگی هاوسەرۆکى یەکێتی بەشداری کارای کردوە لە چارەسەری موچە ی خۆبەخشەکان بەشێوەی مانگانە، هەروەها کارگەی ماستی سلێمانی لە رێگای ئەنجومەنى پارێزگاوە ئامادەیی دەربڕیوە بۆ هاوکارى مانگانە بۆ نەخۆشخانەکە لەگەڵ ژمارەیەک کۆمپانیای نیشتیمانی تر.
سەرۆکى ئەنجومەنى پارێزگا سوپاس و دەسخۆشی ئەنجومەنى گەیاندە بەرێزان بەرێوەبەرو پزیشکان وکارمەندانی نەخۆشخانەکە ،هیوای چاکبونەوەى بۆ نەخۆشەکان خواست و وتى: سوپاسگوزاری ئەو بەرێزو خۆشەویستانەین کە هاوکار بوون چ بەشێوەی ماددی یان مەعنەوی.

 

131914772021_2222.jpg

221914772021_333333.jpg

Copyright © all rights reserved .Developed by Avesta Group and powered by Microsoft Azure