ئەنجومەنی پارێزگای سلێمانی

لەبارەى ژمارەیەک پۆستەوە لەسلێمانى ئەنجومەنى پارێزگا بڕیاریدا

28/7/2020 218 جار خوێندراوەتەوە

رۆژى سێشەممە 2020/7/28، بەسەرپەرشتى بەڕێز (ئازاد محەمەد ئەمین) سەرۆکى ئەنجومەن، ئەنجومەنى پارێزگاى سلێمانى کۆبوونەوەى (59)پەنجاونۆهەمینى وەک کۆبوونەوەیەکى ئاسایى بەئامادەبوونى دەستەى سەرۆکایەتى و (24) ئەندام لە کۆى (32) ئەندام، کرد.
لە کۆبوونەوەکەدا بەڕێز (لەیلا عومەر عەلى) بەدەنگى (27) ئەندام هەڵبژێردرا و پاڵێورا بۆ پۆستى جێگرى پارێزگارى سلێمانى بۆ کاروبارى کارگێڕى.
پاشان بەڕێز (د.سەباح نەسرەدین ئەحمەد) بەدەنگى (27) ئەندام هەڵبژێردرا و پاڵێورا بۆ پۆستى بەڕێوەبەرى گشتى تەندروستى سلێمانى.
پاشان بەڕێز (عەلى رەئوف غەفور) بەدەنگى (27) ئەندام هەڵبژێردرا و پاڵێورا بۆ پۆستى بەڕێوەبەرى گشتى گەشتوگوزارى سلێمانى.
هەروەها بەڕێز (دەرباز قادر محەمەد) بەدەنگى (18) ئەندام هەڵبژێردرا و پاڵێورا بۆ پۆستى بەڕێوەبەرى ناحیەى خەلەکان لە قەزاى دوکان.
هەروەها بەڕێز (ئاوارە حەمەشەریف) بەدەنگى (19) ئەندام هەڵبژێردرا و پاڵێورا بۆ پۆستى بەڕێوەبەرى ناحیەى وارماوە لە قەزاى شارەزوور.
پاشان بە دەنگى (25) ئەندامى ئەنجومەنى پارێزگا پێشنیازى فراوانکردنى سنورى گوندى (تەڕەمارى سەروو) لە ناحیەى پیرەمەگرون سەر بە قەزاى دوکان پەسەندکرا.
لە کۆتاییشدا بە دەنگى (20) ئەندام ناوى گوندى (بەگى) بۆ (داناى حاجى ساڵح) لەناحیەى بەکرەجۆ سەر بە قەزاى مەڵبەندى سلێمانى گۆڕدرا و پەسەند کرا.

 

 

 

5438102872020_2.jpg

239102872020_3.jpg

Copyright © all rights reserved .Developed by Avesta Group and powered by Microsoft Azure