ئەنجومەنی پارێزگای سلێمانی

ئەنجومەنى پارێزگاى سلێمانى سوپاسى ئەو لایەنانە دەکات کە کێشەکەى سلێمانییان چارەسەر کرد

6/7/2020 140 جار خوێندراوەتەوە

رۆژى دووشەممە ٦/٧/٢٠٢٠، بەڕێز ئازاد محەمەد ئەمین سەرۆکى ئەنجومەنى پارێزگاى سلێمانى بەیاوەری بەرێز محەمەد رەسول سەرۆکی لیژنەی شارەوانی ئەنجومەنى پارێزگا ، سەردانی پرۆژەی ئاوی سەرچناریان کرد بەمەبەستی بەدواداچون بۆ کارەکانى چاککردنەوەى بۆری سەرەکی ئاوی سلێمانی لەناو پرۆژەکەدا.
لەمبارەیەوە سەرۆکى ئەنجومەنى پارێزگاى سلێمانى رایگەیاند: شکانى ئەو بۆری ئاوە کێشەى نەبوونى ئاوى بۆ زۆرینەى دانیشتوانى سلێمانى دروست دەکرد، بەلام بۆمان دەرکەوت ئەو بەرێزانە خۆنەویستانە و کەمتر لە ٢٤ کاتژمێر کۆنترۆڵی شکاویەکەیان کردو سەرقاڵی چاککردنەوەی ماتۆرو پەمپەکان و بەشەکانی تر بوون.
وتیشى: ھیوادارم حکومەت داواکاریەکانیان بەھەند وەر بگرێت ، بەتایبەتی لەروی ھاندان و دەرماڵەی مەترسیەوە.
هاوکات بەناوی ئەنجومەنی پارێزگای سلێمانی و لیژنەی شارەوانی ئەنجومەنەوە سوپاس و پێزانین و دەسخۆشی بۆ بەرێزان بەرێوەبەر و ئەندازیاران و تەکنیکاران و کارمەندان و کرێکارانی ئاوی سلێمانی و پرۆژەی ئاوی سەرچنار و بەڕێوەبەرایەتى بەرگرى شارستانى سلێمانى و خۆبەخشە دڵسۆزەکان و هەموو ئەو لایەنانە کرد کە بەشدار بوون لە چارەسەر کردنى ئەم کێشەیە.

 

75520672020_2.jpg

175520672020_5.jpg

265520672020_11.jpg

Copyright © all rights reserved .Developed by Avesta Group and powered by Microsoft Azure