ئەنجومەنی پارێزگای سلێمانی

پرۆژەى لامەرکەزى بۆ نوێنەرى رێکخراوەکان خرایەڕوو

8/6/2020 137 جار خوێندراوەتەوە

ئەمڕۆ دووشەممە ٢٠٢٠/٦/٨ ، بەڕێز ئازاد محەمەد ئەمین سەرۆکی ئەنجومەنی پارێزگای سلێمانی ، بە ئامادەبونی بەڕێز جێگری سەرۆک و سکرتێری ئەنجومەن و لیژنەی پرۆژەی لامەرکەزی، لەگەڵ نوێنەری بەشێک لەرێکخراوەکان و چالاکی مەدەنی کۆبۆوە.
سەرۆکی ئەنجومەنی پارێزگا ڕوونکردنەوەی دا لەبارەی پرۆژەی لامەرکەزی و ھەنگاوەکان و دوا گۆڕانکاری و بەرەوپێشچوونەکان کە ئەنجومەنەکە لە ڕێگەی لیژنە تایبەتمەندەکەیەوە ئەنجامیداون.
ھەروەھا داوای لە ڕێکخراوەکان کرد لەم بابەتەدا ڕۆڵ بگێڕن و ڕاوبۆچونیان بە نوسراو پێشکەشی ئەنجومەن بکەن و تا لەگەڵ پێشنیازەکانی تر ، پرۆژەکەی پێدەوڵەمەند بکرێت.
پاشان نوێنەری ڕێکخراوەکان پرسیاریان لەبارەی پرۆژەکەوە کرد و سەرۆکی ئەنجومەنی پارێزگا وەڵامیدانەوەو ئاماژەی بە گرنگی پرۆژەکە بۆ ھەموو پارێزگاکانی ھەرێمی کوردستان کرد و بەڵێنیدا ئەو بەرپرسیارێتییەی لە ئەستۆی ئەنجومەنە بە ئەمانەتەوە و وەکو خۆی جێبەجێی بکەن.

 

41217862020_3.jpg

131217862020_4.jpg

211217862020_5.jpg

291217862020_6.jpg

Copyright © all rights reserved .Developed by Avesta Group and powered by Microsoft Azure