ئەنجومەنی پارێزگای سلێمانی

سەندیكاكانی ناوەندی تەندروستی سلێمانی بایكۆتیان ھەڵپەسارد

5/5/2020 67 جار خوێندراوەتەوە

ئەمڕۆ سێشەممە ٢٠٢٠/٥/٥ ، بەسەرپەرشتی بەڕێز ئازاد محەمەد ئەمین سەرۆكی ئەنجومەنی پارێزگای سلێمانی و ئامادەبوونی جێگری سەرۆكی ئەنجومەن و لیژنەی ھاوبەشی ئەنجومەن بۆ كۆرۆنا لەھۆڵی سەرۆكایەتی ئەنجومەن، كۆبونەوەیەك لەگەڵ سەندیكاكانی ناوەندی تەندروستی سلێمانی كرا، كە لە ٧ سەندیكا پێكھاتوون.
لە كۆبونەوەكەدا سەرۆكی ئەنجومەنی پارێزگا دەستخۆشی و پێزانینی بۆ پزیشكان و كارمەندانی تەندروستی و فەرمانبەرانی كارگێڕی تەندروستی و سەندیكاكان دەربڕی كە ھەمو ھەوڵەكانیان بۆ بەرەنگاربونەوەی كۆرۆنا گرتەبەر و بەشێك لە بڕیارەكانی ئەنجومەنەكە خۆی كە داخوازییەكانی ئەواندا بینیوەتەوە و پشتیوانی ئەنجومەنی بۆ دووپاتكردنەوە.
پاشان سەندیكاكانی ناوەندی تەندروستی سلێمانی، سوپاسی ھەوڵەكانی ئەنجومەنیان كرد و داواكارییەكانیان خستەڕو و ئاماژەیان بەوەشدا كە داخوازییەكانیان تەواو (پیشەیی -مەدەنین) و داوایان كرد ئەنجومەنی پارێزگا پشتیوانی داواكانیان بێت.
پاشان سەردانی بەڕێز د.ھەڤاڵ ئەبوبەكر پارێزگاری سلێمانیان كرد.
پارێزگاری سلێمانی ، بە ئامادەبوونی بەڕێز بەڕێوەبەری گشتی تەندروستی سلێمانی ، دەستخۆشی لە پزیشكان و كارمەندان و سەندیكاكان كرد و ھەوڵەكانیانی بەرز ڕاگرت و پشتیوانی بۆ دووپاتكردنەوە.
ھاوكات بەڕێوەبەری گشتی تەندروستی سلێمانی ، چەند داواو پێشنیازێكی پراكتیكی بۆ چارەسەری كێشەكان و جێبەجێكردنی داخوازییەكان خستەڕوو.
دواتر لە پرێس كۆنفرانسێكدا لەسەر بەڵێن و بەدواداچوونەكانی ئەنجومەنی پارێزگا و پارێزگاری سلێمانی ھەڵپەساردنی بایكۆتیان ڕاگەیاند و چاوەڕوانی جێبەجێكردنی داواكارییەكانن.

 

591217552020_2.jpg

51317552020_3.jpg

101317552020_4.jpg

171317552020_5 copy.jpg

Copyright © all rights reserved .Developed by Avesta Group and powered by Microsoft Azure