ئەنجومەنی پارێزگای سلێمانی

پەیامى ئەنجومەنى پارێزگا بەبۆنەى رۆژى جیهانى کرێکارانەوە

30/4/2020 77 جار خوێندراوەتەوە

بەناوى ئەنجومەنى پارێزگاى سلێمانییەوە، پیرۆزبایى رۆژى جیهانى کرێکاران، لەسەرجەم کرێکارانى کوردستان و جیهان دەکەین.
لەکاتێکدا ئەم یادە دەکەینەوە کە جیهان و هەرێمى کوردستانیش بەهۆى لێکەوتەکانى پەتاى کۆرۆناوە، بەرەنگارى دۆخێکى نەخوازراوى ئابورى دەبنەوە و ئەرکە قورسەکەش جارێکى تر دەکەوێتە سەرشانى چینى کرێکاران، بەداخین کە تاوەکو ئێستا ، وەک پێویست و بەپێى یاسا ژیانێکى شایستە بۆ کرێکاران نەڕەخسێنداوە و دڵنیایى تەندروستى و دارایى و کۆمەڵایەتیان نییە و مافەکانیان نەچەسپێندراوە.
هەربۆیە ئێمە وەک ئەنجومەنى پارێزگاى سلێمانى وێڕاى دووپاتکردنەوەى پشتیوانیمان بۆ مافەکانیان، هاوکات بەپێى یاسا و دەسەڵاتى ئەنجومەن لە کارو بەدواداچون بۆ گرفت و داواکارییەکانى کرێکاران بەردەوام دەبین.
هەروەها داوا لەحکومەتى هەرێم و لایەنە پەیوەندیدارەکانى تر و کەرتى تایبەت دەکەین ، ئەرکى خۆیان بەرامبەر کرێکاران بۆ فەراهەمکردنى بژێوى و ژیانێکى شایستە و داخوازییەکانیان جێبەجێ بکەن و بەیاسا پارێزگارى لەمافەکانیان بکرێت.
ئازاد محەمەد ئەمین
سەرۆکى ئەنجومەنى پارێزگاى سلێمانى

 

 

Copyright © all rights reserved .Developed by Avesta Group and powered by Microsoft Azure