ئەنجومەنی پارێزگای سلێمانی

ئەنجومەنى پارێزگاى سلێمانى چەند بڕیارێکى دەرکرد

4/2/2020 242 جار خوێندراوەتەوە

رۆژى سێشەممە 2020/2/4 ، پەنجاوشەشهەمین کۆبوونەوەى ئاسایى ئەنجومەنى پارێزگاى سلێمانى بەڕێوەچوو.
سەرەتاى کۆبوونەوەکە گفتوگۆ لەسەر کردنەوەى بنکەى ئاگرکوژێنەوەى بنگرد سەر بە قەزاى دوکان کرا و بە دەنگى (28) ئەندام بڕیارى کردنەوەى درا.
پاشان گۆڕینى ناوى گوندى کانى مردوان بۆ کانى مەردان سەر بە ناحیەى زەلان لە قەزاى شارباژێڕ خرایە دەنگدانەوە و بە دەنگى (27) ئەندام بڕیارى گۆڕینى ناوەکە درا.
پاشان بابەتى فراوانکردنى گوندى کەمالانى خواروو سەر بە ناحیەى تانجەرۆى قەزاى مەڵبەندى سلێمانى خرایە دەنگدانەوە و بەکۆى دەنگى (26) ئەندام بڕیارى فراوانکردنی پەسەندکرا.
لە دوا تەوەرى کۆبوونەوەکەدا میواندارى بەڕێز بەڕێوەبەرى گشتى کارەباى سلێمانى و چەند کەسێکى پەیوەندیدار بە سێکتەرى کارەباوە کرا و سەرەتا بەڕێوەبەرى گشتى کارەباى سلێمانى روونکردنەوەى دا سەبارەت بە بڕى بەرهەمهێنان و بەکارهێنانى کارەبا لە سنورى پارێزگا سلێمانى و هەروەها باسى لەپرۆسەى دانانى پێوەرى زیرەک بۆ کارەباى ماڵان و شوێنە گشتییەکان کرد و پلانى داهاتو و کێشەو گرفتەکانیشى خستەڕوو، پاشان ئەندامانى ئەنجومەن پرسیاریان ئاراستەکرد و وەڵامدرانەوە.

 

402510422020_3.jpg

512510422020_2.jpg

Copyright © all rights reserved .Developed by Avesta Group and powered by Microsoft Azure