ئەنجومەنی پارێزگای سلێمانی

ئەنجومەنى پارێزگاى سلێمانى کۆدەبێتەوە

2/2/2020 264 جار خوێندراوەتەوە

بەمەبەستى ئەنجامدانى پەنجاو شەشهەمین کۆبوونەوەى ئاسایى ئەنجومەنى پارێزگاى سلێمانى، ئەنجومەنەکە بانگهێشتى سەرجەم ئەندامانى ئەنجومەن دەکات کە کاتژمێر 10ى بەیانى رۆژى سێشەممە 2020/2/4، لە هۆڵى کۆبوونەوەکانى ئەنجومەن ئامادەبن.
بەپێى کارنامەى راگەیەندراو، گفتوگۆ و دەنگدان لەسەر کردنەوەى بنکەى ئاگرکوژێنەوەى بنگرد سەر بە قەزاى دوکان و دەنگدان لەسەر گۆڕینى ناوى گوندى کانى مردوان بۆ کانى مەردان سەر بە ناحیەى زەلان لە قەزاى شارباژێڕ دەکرێت.
هەر بەپێى کارنامەکە دەنگدان لەسەر فراوانکردنى گوندى کەمالانى خواروو سەر بە ناحیەى تانجەرۆى قەزاى مەڵبەندى سلێمانى دەکرێت.
هەروەها لە بڕگەى کۆتایى کۆبوونەوەکەشدا میواندارى بەڕێز بەڕێوەبەرى گشتى کارەباى سلێمانى دەکرێت.

 

3888222020_anjwmani parezga (2) copy.jpg

Copyright © all rights reserved .Developed by Avesta Group and powered by Microsoft Azure