ئەنجومەنی پارێزگای سلێمانی

ئەنجومەنى پارێزگا پیرۆزباى لە سلێمانى و سنە دەکات

1/11/2019 116 جار خوێندراوەتەوە

بەناوى ئەنجومەنى پارێزگاى سلێمانییەوە پیرۆزباییەکى گەرم لە خۆمان و ئەدیب و نوسەر و رۆشنبیران و شاعیران و رۆژنامەنووسان و دانیشتوانى پارێزگاى سلێمانى و گەلى کورد بەگشتى دەکەین بە بۆنەى هەڵبژاردنى شارى سلێمانى پایتەختى رۆشنبیرى وەک شارى داهێنەر لەبوارى ئەدەب لەلایەن رێکخراوى یۆنسکۆوە.
مایەى شانازییە سلێمانى بچێتە ریزى شارە داهێنەرەکانى جیهانەوە و هەنگاوێکى گرنگیشە بۆ بەرەوپێشچوون و ئاڵوگۆڕى رۆشنبیری لە نێوان ئێمە و وڵاتانى جیهاندا.
ئەم هەنگاوەش سەلمێنەرى ئەو راستیەیە کە هەمیشە سلێمانى وەک پایتەختى رۆشنبیریى ، مەڵبەندى ئەدەب و هونەر و کەلتور و شارى پێکەوەژیان و بیروڕاى ئازاد و داهێنان بووە ، ئێمەش لە ئەنجومەنى پارێزگا بە ئەرکى سەرشانى خۆمانى دەزانین بەردەوام بین لە پشتیوانى و کارکردنمان بۆ گەشەپێدانى زیاترى بوارى رۆشنبیری لەسنورى دەسەڵاتى ئەنجومەنەکەمان و پایتەختى رۆشنبیری.
هەروەها پیرۆزبایى لە خەڵکى شارە خۆشەویستەکەى سنە دەکەین بەبۆنەى هەڵبژاردنى وەک شارى داهێنەر لەبوارى میوزیکدا، شارى سنە مەڵبەندى پێگەیاندنى چەندین هونەرمەندى گەورە و پێشڕەوى میوزیک بووە و هیوادارین لەم گەشەکردنەى بەردەوام بێت.

ئازاد محەمەد ئەمین
سەرۆکى ئەنجومەنى پارێزگاى سلێمانى

 

 

Copyright © all rights reserved .Developed by Avesta Group and powered by Microsoft Azure