ئەنجومەنی پارێزگای سلێمانی

پلانی پێنج ساڵی بۆ ئاوی ژێر زەوی سلێمانی دادەنرێت

28/8/2019 125 جار خوێندراوەتەوە

ڕۆژی یەكشەممە ٢٠١٩/٨/٢٨ ، بەڕێز ئازاد محەمەد ئەمین سەرۆكی ئەنجومەنی پارێزگای سلێمانی و بەڕێز سەرۆكی لیژنەی خزمەتگوزارییەكانی شارەوانی و ئاو و ڕێگاوبانی ئەنجومەن بەشداری لە وۆركشۆپی تایبەت بە پلانی پێنج ساڵی بەڕێوەبەرایەتی ئاوی ژێر زەوی سلێمانی كرد.
لە وۆرك شۆپەكەدا ، وردەكاری پلانێكی پێنج ساڵیی خرایەڕوو، بۆ بەزانستی بەڕێوەبردنی ئاوی ژێر زەوی و كەمكردنەوەی سەرپێچییەكان و دروستكردنی نەخشە بۆ كانی و كارێز و چەم و ڕووبار و ئاوی ژێر زەوی لە سلێمانی و دانانی بەرنامەی پاراستن و پەرەپێدانیان.
سەرۆكی ئەنجومەنی پارێزگا لەوتەیەكدا دەستخۆشی لێكردن و بەگرنگییەوە لەو ھەوڵانەی ڕوانی كە بۆ دانانی پلانێك بۆ سێكتەری ئاو دەدرێن.
ھاوكات بەناوی ئەنجومەنی پارێزگاوە پشتیوانی بۆ كارەكانیان ڕاگەیاند لەگەڵ ھەر كارێكی تر لەچوارچێوەی دەسەڵاتی ئەنجومەن و لە پێناو بەرژەوەندی ھاووڵاتیان.

 

 

 

5712182882019_2.jpg

513182882019_3.jpg

1213182882019_11.jpg

1713182882019_4.jpg

Copyright © all rights reserved .Developed by Avesta Group and powered by Microsoft Azure