ئەنجومەنی پارێزگای سلێمانی

خەڵاتى رێزلێنان بەخشرایە مامۆستا جەمال عەبدول

5/7/2019 21 جار خوێندراوەتەوە

رۆژى پێنجشەممە 2019/7/4، بەڕێز ئازاد محەمەد ئەمین سەرۆکى ئەنجومەنى پارێزگاى سلێمانى بەشدارى لە مەراسیمێکى تایبەت بۆ کەسایەتى و نوسەرى ناودارى کورد مامۆستا جەمال عەبدول کرد.
لە مەراسیمەکەدا کە زانکۆى سلێمانى بەهاوکارى کتێبخانەى گشتى سلێمانى رێکیخستبوو، کتێبى (جەمال عەبدول - بیبلیۆگرافیاى کتێب و پێڕستى لە کتێبى کوردیدا 1979 - 2018) ناسێندرا و بڵاوکرایەوە.

لە بەشێکی مەراسیمەکەدا، فیلمێکی دیکۆمێنتاری بەناوی(دار بەڕوو)نمایشکرا، کە باسی ژیان و خوێندن و مامۆستایەتی و خەباتی سیاسی و ئەو پلە و پۆستە حکومییانە دەکرد کە مامۆستا جەمال عەبدول وەری گرتوون.

پاشان خەڵاتى رێزلێنان بەخشرایە مامۆستا جەمال عەبدول لەپاى خزمەتى چەندین ساڵە لە بوارەکەدا.

مامۆستا جەمال عەبدول محەمەد لە ساڵى 1940 لەشارى سلێمانى لەدایکبووە و ساڵى 1962 بەشى کیمیاى کۆلێژى پەروەردەى زانکۆى بەغداى تەواو کردووە و وەک مامۆستاو جێگرى بەڕێوەبەر خزمەتى کردووە، لە دواى راپەڕینى 1991ى گەلەکەمان ماوەیەک پارێزگارى سلێمانى بووە و پاشان پۆستى وەزیرى رۆشنبیرى حکومەتى هەرێمى وەرگرتووە.

مامۆستا رۆڵێکى مەزنى لە بوارى ئەدەب و زمانەوانى و دەستەواژەى میدیاى کوردى هەیە و لەوبارەیەشەوە خاوەنى چەندین کتێب و نوسینە.

 

 

 

44287572019_4.jpg

59287572019_3.jpg

7297572019_7.jpg

34297572019_6.jpg

Copyright © all rights reserved .Developed by Avesta Group and powered by Microsoft Azure