ئەنجومەنی پارێزگای سلێمانی

ئەنجومەن ستایشی ستافی قوتابخانەیەك دەكات

12/2/2019 117 جار خوێندراوەتەوە

ئەنجومەنی پارێزگا، پێشوازی لەستافی ئیداریی قوتابخانەیەكی بنەڕەتی دەكات، كە بەشێوازی سەردەمیانە پرۆسەی پەروەردە‌و فێركردنی قوتابیان بەڕێوەدەبەن.
رۆژی دووشەممە 11-2-2019، بەڕێز (ئازاد محەمەد ئەمین) سەرۆكی ئەنجومەنی پارێزگای سلێمانی، بەئامادەبوونی بەڕێزان (هۆشیار ئیسماعیل ‌و دیمەن رەزا) ئەندامانی ئەنجومەن، پێشوازیی لەبەڕێوەبەرو مامۆستایانی قوتابخانەی (یاڵانقۆز)ی بنەڕەتی كرد.
لەمیانی كۆبونەوەیەكدا، سەرۆكی ئەنجومەن بەناوی ئەنجومەنی پارێزگاوە، ستایشی ماندووبوونی كردن لەبەرامبەر ئەو خزمەتەی پێشكەشی قوتابیانی دەكەن، بەئامانجی پێگەیاندنی نەوەیەكی چالاك‌و خزمەتگوزار، بەڵێنیشی پێدان، پشتیوانییان بكات بۆ خزمەتكردنی زیاتری بواری پەروەردە‌و فێكردن.
دواتر سوپاسنامەی ئەنجومەنی پارێزگا پێشكەش بەبەڕێوەبەر‌و مامۆستایانی قوتابخانەكە كرا، بڕیاریشە لەداهاتوودا لیژنەی پەروەردەی ئەنجومەن سەردانی خوێندنگەكە بكەن، بەئامانجی هەماهەنگیكردن‌و ئەنجامدانی كارو چالاكیی باشتر.

بۆ زانیاریی زیاتر له‌باره‌ی دوایین هه‌واڵ‌و چالاكییه‌كانی ئه‌نجومه‌نی پارێزگای سلێمانی
ده‌توانن له‌تۆڕه‌ كۆمه‌ڵایه‌تییه‌كان هاوڕێمان بن:

https://www.facebook.com/slemanipc
https://twitter.com/slemanipc

 

383181222019_p.jpg

483181222019_ppp.jpg

Copyright © all rights reserved .Developed by Avesta Group and powered by Microsoft Azure